Daka: Asnjëherë s’ka ndodhur të ketë 6 mijë vota dallim për një kandidat
Ish-kryetarja e Komisionit Qendror të Zgjedhjeve (KQZ), Valdete Daka, ka deklaruar se dallimi prej 6 mijë votash për një kandidat në rinumërimin e votave është një fenomen i paprecedentë në historinë e zgjedhjeve në Kosovë.
Daka: Asnjëherë s’ka ndodhur të ketë 6 mijë vota dallim për një kandidat
Ish-kryetarja e Komisionit Qendror të Zgjedhjeve (KQZ), Valdete Daka, ka hedhur dritë mbi dallimet e mëdha në numërimin e votave në zgjedhjet e fundit, duke theksuar se një fenomen i tillë është i pazakontë.
Ajo ka shpjeguar se rinumërimet e votave janë praktikë e zakonshme në çdo cikël zgjedhor, por dallimet e raportuara prej mijëra votash, si 6 mijë për një kandidat, nuk kanë ndodhur kurrë më parë.
““Po, ka pasur rinumërime shumë shpesh, thuajse në çdo palë zgjedhje ka pasur rinumërime. Ka pasur edhe rivotime, edhe në qytete edhe në qendra të votimit, shumë shpesh. Domethënë, s’ka pasur zgjedhje kur nuk ka pasur rinumërim, por nuk ka pasur dallime kaq të mëdha sikur këtë herë; nuk ka pasur dallime 5 mijë, 6 mijë, 2 mijë, sikur sot që u përmendën””
Daka ka folur në një intervistë për TV Dukagjini, ku ka nënvizuar se këto dallime të mëdha po nxisin diskutime të gjera për integritetin e procesit zgjedhor.
Procesi i rinumërimit vazhdon të jetë në qendër të vëmendjes, me KQZ-në që po punon për të siguruar transparencë dhe saktësi në rezultatet përfundimtare.
