Florentino Perez admiron yllin e Barcelonës: "Lojtari im i preferuar"

Presidenti i Real Madridit, Florentino Perez, njihet për shijen e tij të hollë në përzgjedhjen e yjeve të futbollit, por një emër i veçantë nga kampi rival duket se ka fituar simpatinë e tij të lartë. Bëhet fjalë për brazilianin Raphinha, të cilin Pérez e konsideron si lojtarin më të vlerësuar te FC Barcelona.

Sipas burimeve të afërta me presidentin e "Mbretërve", Pérez u ka pranuar bashkëpunëtorëve të tij se 29-vjeçari brazilian është lojtari që ai admiron më së shumti te Barcelona, duke e radhitur atë madje edhe mbi talentet si Lamine Yamal apo Pedri. Ky admirim për Raphinhan nuk është i rastësishëm, duke pasur parasysh formën e jashtëzakonshme që sulmuesi ka treguar gjatë kohës së fundit.

Pikërisht në finalen e Superkupës së Spanjës të zhvilluar në Xhedah, Raphinha vërtetoi pse meriton këtë vëmendje. Me dy gola vendimtarë, ai ishte njeriu kryesor që i siguroi Barcelonës trofeun, duke mposhtur pikërisht Real Madridin në një përballje direkte që vulosi dominimin e tij në fushë.

Ky vlerësim nga Perez tregon se rivaliteti i madh mes dy klubeve nuk e pengon presidentin madridilen të njohë kualitetin e lartë te kundërshtarët, ndonëse braziliani mbetet një "makth" në fushë për mbrojtjen e Real Madridit.