Komuna e Malishevës kërkon ndihmë publike për gjetjen e Avdyl Begajt, 39-vjeçar nga Banjë

Komuna e Malishevës ka lansuar një apel të fortë drejtuar qytetarëve për të dhënë çdo informacion që mund të ndihmojë në gjetjen e Avdyl Begajt, një banor 39-vjeçar i fshatit Banjë.

Për herë të fundit, ai është parë më 18 janar në zonën mes Klinës, Ujmir dhe Siqevës. Autoritetet lokale dhe policia janë në kërkim të tij dhe kërkojnë bashkëpunimin e të gjithë qytetarëve.

Nëse keni ndonjë informacion për vendndodhjen e tij, ju lutemi të kontaktoni menjëherë në numrin 044 269 767 ose të njoftoni Policinë e Kosovës në stacionin më të afërt.

“Kërkohet ndihma e qytetarëve për gjetjen e Avdyl Begajt nga fshati Banjë.”