“Me pas armë, s’i kishe rrëzu gjithë këta burra”, çka iu tha forcave serbe nëna e të mbijetuarit të masakrës së Reçakut
Ramë Shabani, një nga mbijetuarit e masakrës së Reçakut, ka rrëfyer në emisionin Debat Plus momentin kur nëna e tij u përball me forcave serbe, duke i sfiduar ato me një përgjigje të guximshme.
Rrëfimet e dëshmitarëve okularë të masakrës së Reçakut të 15 janarit 1999 mbeten dëshmi të pashlyeshme të krimeve lufte të kryera nga forcat serbe në Kosovë. Këto histori personale forcojnë kujtesën kolektive dhe kërkesën për drejtësi.
Një ndër dëshmitarët e rëndësishëm është Ramë Shabani, i cili në emisionin Debat Plus ka ndarë një përjetim tronditës nga hyrja e forcave serbe në fshatin Reçak.
Ai përshkruan se si forcat serbe kishin mbledhur dhjetëra burra shqiptarë në oborrin e një shtëpie, duke i torturuar dhe duke kërkuar armë.
““Qikës ia dhanë një flakaresh, e nënës i thanë gjej armët, nënës tem. Nana i tha: me pas armë, ti s’i kishe rrëzu gjithë këta burra këtu. Nuk kanë pas armë e tash lyp prej meje armë. E unë armë me të dhënë nuk kam, i tha””
Ky rrëfim nxjerr në pah guximin e jashtëzakonshëm të grave shqiptare gjatë luftës, të cilat jo vetëm që mbronin familjet e tyre, por edhe sfidonin agresorët me fjalë të fuqishme.
Masakra e Reçakut, ku u vranë 45 civilë, ishte një nga ngjarjet kyçe që tërhoqi vëmendjen ndërkombëtare drejt padrejtësive në Kosovë, duke çuar drejt ndërhyrjes së NATO-s.
Rëndësia historike
Dëshmitë si kjo e Ramë Shabanit janë thelbësore për ruajtjen e së vërtetës historike dhe luftën kundër mohimit të krimeve serbe.
