William Walker: Reçaku sot simbol i përparimit të Kosovës, jo vetëm i masakrës së 1999-ës

Ish-ambasadori amerikan dhe figura kyçe në zbardhjen e masakrës së Reçakut, William Walker, ka qenë mysafir special në emisionin Politiko.

Ai ka folur me emocion për domethënien e re të fshatit Reçak, duke theksuar se sot ai nuk përfaqëson vetëm tragjedinë e 15 janarit 1999, por edhe përparimin e jashtëzakonshëm të Kosovës.

““Reçaku është dëshmi e zhvillimit dhe ecjes përpara të Kosovës. Nuk mund të shpreh me fjalë sa i impresionuar jam nga ajo që ka ndodhur nga 15 janari 1999 deri më 15 janar 2026, sepse bëhet fjalë për një përparim jashtëzakonisht të madh”.”

Sipas Walker-it, ky transformim e bën Reçakun një simbol të shpresës dhe zhvillimit, jo vetëm për fshatin apo komunën e Shtimes, por për të gjithë Kosovën.

Walker ka përsëritur rolin e tij historik në verifikimin e masakrës ku forcat serbe vranë 45 civilë shqiptarë, duke e cilësuar atë si pikën kthese për ndërhyrjen ndërkombëtare.

Përparimi i Kosovës pas 27 vitesh

Në kontekstin e 27-vjetorit të masakrës, deklaratat e Walker-it vijnë në mes të homazheve dhe diskutimeve për drejtësi dhe kujtesë historike në Kosovë.

Burimi: Indeks Online