Një turk emërohet drejtor i Financave në Komunën e Prizrenit

Kryetari i Komunës së Prizrenit, Shaqir Totaj, ka përmbyllur formimin e ekipit të tij qeverisës duke emëruar sot drejtorin e fundit të Drejtorisë së Financave.

Bëhet fjalë për Levent Buş-in, shtetas turk, i cili do të udhëheqë sektorin financiar të komunës duke sjellë përvojë dhe profesionalizëm në menaxhimin e buxhetit lokal.

Me këtë emërim, struktura e plotë e drejtorive komunale është finalizuar, duke mundësuar një qeverisje më efikase dhe të përkushtuar ndaj nevojave të qytetarëve të Prizrenit.

“Me përgjegjësi, profesionalizëm e përkushtim, do ta vazhdojmë qeverisjen në shërbim të interesit publik dhe të mirëqenies së qytetarëve.”

Totaj theksoi se ky ekip do të fokusohet në zhvillimin ekonomik dhe përmirësimin e shërbimeve publike, duke shfrytëzuar ekspertizën e secilit anëtar.