Totaj emëron dy drejtorë nga LDK në Prizren: Ukaj në Urbanizëm, Shishko në Kulturë
Kryetari i Prizrenit Shaqir Totaj vazhdon emërimet: Florent Ukaj drejtor i Urbanizmit, Ajlin Shishko drejtoreshë e Kulturës, Rinisë dhe Sportit. Nesër priten emërime të tjera.
Totaj emëron dy drejtorë nga LDK në Prizren
Kryetari i Komunës së Prizrenit, Shaqir Totaj, ka vazhduar me emërimet e drejtorëve në strukturat e komunës.
Sot janë emëruar dy figura nga Lidhja Demokratike e Kosovës (LDK). Florent Ukaj është emëruar drejtor i Drejtorisë së Urbanizmit dhe Planifikimit Hapësinor, ndërsa Ajlin Shishko do të drejtojë Drejtorinë për Kulturë, Rini dhe Sport.
“Sot emërova Ajlin Shishkon në pozitën e Drejtoreshës së Kulturës, Rinisë dhe Sportit si dhe Florent Ukajn në pozitën e Drejtorit të Urbanizmit dhe Planifikimit Hapësinor. Nesër vazhdojmë me emërime të tjera, me qëllim të kompletimit të ekzekutivit të Komunës së Prizrenit.”
Këto emërime vijnë në vazhdimësi të atyre të mëparshme, si emërimi i Samra Iljazit në Inspektorat nga partia SDU e Duda Baljes ditë më parë.
Totaj ka theksuar se synimi është kompletimi i shpejtë i ekzekutivit komunal për të vazhduar punën efektive në shërbim të qytetarëve të Prizrenit.
/Indeksonline/
