Real Madridi paralajmëron tifozët: Vërshëllimet gjatë ndeshjes do t'i kushtojnë vendin në stadium
Pas shkarkimit të Xabi Alonsos dhe kritikave të vazhdueshme, Real Madridi ka vendosur tolerancë zero ndaj tifozëve që vërshëllojnë gjatë ndeshjes kundër Levantes në 'Santiago Bernabeu'. Sektori 'Grada de Animacion' do të monitorohet me kamerat.
Real Madridi me tolerancë zero ndaj vërshëllimeve
Real Madridi kthehet sot në "Santiago Bernabeu" për ndeshjen e parë pas shkarkimit të trajnerit Xabi Alonso, një ngjarje që ka shkaktuar valë të mëdha kritikash nga tifozët dhe komentatorët.
Përkundër adhurimit të madh për Alonso, kritikat kanë vazhduar, duke u drejtuar jo vetëm ndaj Vinicius Junior, por edhe ndaj strukturave të klubit.
Drejtuesit e Real Madridit kanë reaguar ashpër, duke paralajmëruar tifozët me një mesazh të qartë: vërshëllimet gjatë ndeshjes nuk do të tolerohen.
Sipas raportimeve të Cadena SER, fokusi është te sektori "Grada de Animacion", ku tifozët ultras do të mbikëqyren me kujdes ekstrem nga kamerat e sigurisë.
Mbas ndeshjes, çdo individ i kapur duke vërshëllyer ekipin do të ndalohet hyrjen në këtë zonë të stadiumit.
“Kushdo që dëshiron të vërshëllojë, le ta bëjë jashtë stadiumit.”
Ky ultimatumi reflekton politikën e tolerancës zero ndaj atmosferës negative, veçanërisht në një kohë kur skuadra ka nevojë për mbështetje të plotë.
Ndjekja e kësaj ndeshjeje do të jetë kyçe për të parë nëse mesazhi i klubit do të respektohet nga ultrasit.
