Kosova dhe Shqipëria në listë: SHBA pezullon lëshimin e vizave për emigrantë nga 75 vende
Shtetet e Bashkuara pezullon përpunimin e vizave të emigrantëve për aplikantët nga 75 vende, duke përfshirë Kosovën dhe Shqipërinë. Masa pritet të hyjë në fuqi më 21 janar, sipas administratës Trump.
Kosova dhe Shqipëria në listën e 75 vendeve ku SHBA pezullon vizat e emigrantëve
Shtetet e Bashkuara të Amerikës kanë njoftuar pezullimin e përpunimit të vizave të emigrantëve për aplikantët nga 75 vende, sipas një zëdhënësi të Departamentit të Shtetit. Në listën që po qarkullon në mediat e huaja, përcjell Telegrafi, përfshihet edhe Kosova.
Përveç Kosovës, nga rajoni i Ballkanit Perëndimor janë Shqipëria, Bosnja dhe Hercegovina, Mali i Zi, Maqedonia e Veriut.
- Afganistani
- Algjeria
- Armenia
- Azerbajxhani
- Bahamasi
- Bangladeshi
- Barbadsi
- Bjellorusia
- Belize
- Butani
- Brazili
- Myanmari
- Kamboxhia
- Kameruni
- Kepi i Gjelbër
- Kolumbia
- Bregu i Fildishtë
- Kuba
- Republika Demokratike e Kongos
- Egjipti
- Eritrea
- Etiopia
- Fixhi
- Gambia
- Gjeorgjia
- Gana
- Grenada
- Guatemala
- Irani
- Iraku
- Xhamajka
- Jordania
- Kazakistani
- Kuvajti
- Kirgistani
- Libani
- Libia
- Moldavia
- Nigeria
- Pakistani
- Rusia
- Somalia
- Siria
- Tunizia
- Uganda
- Jemeni
Sipas raportimeve të mediave botërore, administrata e udhëhequr nga Donald Trump po pezullon të gjithë përpunimin e vizave për aplikantët nga këto vende, tha të mërkurën një zëdhënës i Departamentit të Shtetit.
“Pauza do të fillojë më 21 janar.”
Zëdhënësi nuk dha detaje mbi planin, i cili u raportua për herë të parë nga Fox News, i cili citoi një memo të Departamentit të Shtetit. Dokumenti udhëzon ambasadat amerikane të refuzojnë vizat sipas ligjit ekzistues ndërsa departamenti rivlerëson procedurat e tij.
Kjo masë vjen në mes të politikave të rrepta të imigracionit të ndjekura nga presidenti republikan Donald Trump që nga marrja e detyrës në janar të kaluar.
