Xabi Alonso u shkarkua pas debatit me tre yjet e Real Madridit: Zbulohen prapaskenat e largimit tronditës
Xabi Alonso nuk është më trajner i Real Madridit pas një debati të tensionuar me tre lojtarët kryesorë të skuadrës: Vinicius Jr, Valverde dhe Bellingham.
Prapaskenat e largimit të Xabi Alonsos nga Real Madridi
Lajmi për largimin e Xabi Alonsos nga pozita e trajnerit të Real Madridit ka tronditur tifozët mbretërorë këtë të hënë. Ndonëse klubi zyrtarisht njoftoi për një ndërprerje bashkëpunimi me marrëveshje të ndërsjellë, detaje të reja po dalin në dritë që sugjerojnë një realitet tjetër brenda zhveshtores së "Santiago Bernabeu".
Sipas raportimeve të fundit nga mediumi prestigjioz The Athletic, prapa këtij vendimi qëndron një plasaritje e madhe mes trajnerit spanjoll dhe disa prej figurave kryesore të ekipit. Raportohet se një debat i ashpër ka ndodhur mes Alonsos dhe yjeve të skuadrës: Vinicius Junior, Federico Valverde dhe Jude Bellingham.
Taktika dhe stili i udhëheqjes – mollë sherri
Problemet thuhet se kanë nisur nga qasja taktike e Alonsos dhe stili i tij i udhëheqjes, me të cilat treshja e lartpërmendur nuk pajtohej. Pavarësisht një fillimi mbresëlënës me 17 fitore në 20 ndeshjet e para, rënia e rezultateve në javët e fundit e ka bërë situatën të paqëndrueshme.
Lojtarët kishin pakënaqësi të theksuara lidhur me mënyrën se si Alonso po e orientonte ekipin në fushë.
Ky largim shon fundin e një aventure që nisi me shumë shpresë, por që u mbyll para kohe për shkak të thyerjes së raporteve njerëzore dhe profesionale brenda ekipit më të trofeut në botë.
