Haliti: Presidenti i ri duhet të jetë nga PDK-ja, Thaçi ende ka aureolën e liderit

Deputeti i Partisë Demokratike të Kosovës (PDK), Xhavit Haliti, ka folur në RTV21 për postin e presidentit të ri të vendit, duke propozuar që ai të vijë nga radhët e PDK-së.

“Dhe duhet ta mbështesë idenë që presidenti duhet me qenë nga PDK-ja, tani e bëjnë se bëjnë varet nga vendimet e partisë.”

Sipas Halitit, PDK-ja duhet të jetë pjesë e tryezës së bisedimeve dhe të mbështesë idenë e presidentit nga opozita.

Haliti u pyet edhe për themeluesin e PDK-së, Hashim Thaçin, i cili ndodhet në Hagë. Ai nuk dha prognozë të qartë për rikthimin e Thaçit në politikë.

“Varet prej tij, varet prej angazhimit, prej shumë faktorëve.”

Haliti shtoi se Thaçi ka ende aureolën e liderit të madh në PDK.

Më tej, deputeti i PDK-së theksoi se partia e tij është e vetmja që mund ta sfidojë Lëvizjen Vetëvendosje dhe Albin Kurtin.

“Tani për tani kush do me sfidu, LDK-ja?… Unë mendoj në qoftë se duam mundemi me bo shumë, shiko janë disa pengesa...”