Apeli ia ul dënimin shitësit të armës me të cilën dyshohet se u vra Liridona Ademaj

Gjykata e Apelit ka ndryshuar vendimin e Gjykatës Themelore në Prishtinë, duke zbutur dënimin ndaj Tom Dodajt. Ai akuzohet për shitjen e armës me të cilën dyshohet se u vra Liridona Ademaj.

Gjykata Themelore e kishte dënuar Dodajn me 5 vite burgim. Megjithatë, Gjykata e Apelit ia ka ulur këtë dënim në 3 vite burg, si dhe ka vendosur një gjobë prej 3000 eurosh.

Këto dënime do të ekzekutohen pas plotfuqishmërisë së aktgjykimit. Në pjesët e tjera, aktgjykimi mbetet i pandryshuar.

Ky zhvillim vjen në kontekstin e hetimeve për vrasjen e dyshuar të Liridonës Ademaj, ku arma e shitur nga Dodaj dyshohet se është përdorur në krim.

“Gjykata e Apelit ka ndryshuar vendimin e Gjykatës Themelore në Prishtinë duke zbutur kështu dënimin ndaj Tom Dodajt.”