Komisioni Evropian miraton 61 milionë euro për Serbinë nga Plani i Rritjes – më pak për shkak të reformave të papërmbushura

Komisioni Evropian miraton pagesën e parë për Serbinë nga Plani i Rritjes

Komisioni Evropian (KE) pritet të miratojë në ditët në vijim pagesën e parë prej 61 milionë eurosh për Serbinë në kuadër të Planit të Rritjes për Ballkanin Perëndimor. Këtë e bën të ditur Radio Evropa e Lirë (REL) bazuar në burime të besueshme brenda KE-së.

Serbia tashmë ka marrë parafinancim nga ky plan, ndërsa kjo është pagesa e parë e rregullt. Fillimisht ishte paraparë 112 milionë euro, por shuma u ul pasi Serbia përmbushi vetëm tre nga shtatë hapat reformues të kërkuar për harmonizim me standardet e BE-së.

"Pjesa e mbetur e mjeteve do të shpërndahet vetëm pasi Serbia t’i përmbushë edhe obligimet e tjera reformuese," sqarojnë burimet e REL-it.

“Serbia është e fundit në radhën e vendeve që kanë përmbushur kushtet për reforma të rëndësishme.”

Të tilla pagesa tashmë i kanë marrë në tetor të vitit të kaluar Shqipëria, Mali i Zi dhe Maqedonia e Veriut. Kosova dhe Bosnje e Hercegovina ende nuk kanë marrë fonde.

• Shqipëria: 922.1 milionë euro
• Bosnje e Hercegovina: 1.085 miliardë euro
• Kosova: 882.6 milionë euro
• Mali i Zi: 383.5 milionë euro
• Maqedonia e Veriut: 750.4 milionë euro
• Serbia: 1.586 miliardë euro

Plani i Rritjes është paketa më ambicioze e BE-së për rajonin, me vlerë totale 6 miliardë euro (4 miliardë kredi të favorshme dhe 2 miliardë grante). Fondet shpërndahen bazuar në popullsi dhe PBB.

Projekte duhet të përfundojnë deri në fund të 2027-s, pa zgjatje. Bosnja humbi 108 milionë euro në korrik për vonesa në agjendën e reformave.

Për Kosovën, pengesë është kriza institucionale e vitit të kaluar që pengoi miratimin e marrëveshjeve të kredisë. Bosnja e miratoi agjendën vetëm në dhjetor.

Rëndësia për rajonin

Plani synon të përshpejtojë integrimin evropian të Ballkanit Perëndimor përmes reformave në sundimin e ligjit, ekonomi dhe infrastrukturë.

Indeksonline