KQZ: Këto janë 28 komunat që shkojnë në rinumërim të plotë të votave

KQZ vendos rinumërimin e të gjitha vendvotimeve në 28 komuna

Komisioni Qendror i Zgjedhjeve (KQZ), i kryesuar nga Kreshnik Radoniqi, ka mbajtur mbledhjen e radhës ku ka marrë dy vendime të rëndësishme me unanimitet.

Vendimi i parë është për rinumërimin e të gjitha vendvotimeve në 28 komuna të Kosovës: Deçan, Gjakovë, Gllogoc, Gjilan, Istog, Klinë, Fushë Kosovë, Kamenicë, Mitrovicë e Jugut, Lipjan, Novobërdë, Obiliq, Rahovec, Pejë, Podujevë, Prishtinë, Shtërpcë, Suharekë, Viti, Zubin Potok, Zveçan, Malishevë, Junik, Hani i Elezit, Graçanicë, Partesh, Kllokot dhe Mitrovicë e Veriut.

• Deçan
• Gjakovë
• Gllogoc
• Gjilan
• Istog
• Klinë
• Fushë Kosovë
• Kamenicë
• Mitrovicë e Jugut
• Lipjan
• Novobërdë
• Obiliq
• Rahovec
• Pejë
• Podujevë
• Prishtinë
• Shtërpcë
• Suharekë
• Viti
• Zubin Potok
• Zveçan
• Malishevë
• Junik
• Hani i Elezit
• Graçanicë
• Partesh
• Kllokot
• Mitrovicë e Veriut

Vendimi i dytë është për ndërprerjen e mandatit të përfaqësuesve të subjekteve politike në Komisionin Komunal të Zgjedhjeve në Prizren.

Sipas vendimit të mëparshëm të datës 13 janar 2026, parashihej rinumërim i plotë në 10 komuna dhe 10% në 28 të tjera. Tani, të gjitha 2,557 vendvotimet në Kosovë do të rinumërohen.

““Kur flasim për votat e subjekteve politike, ndryshimet e identifikura janë minimale dhe pothuaje të papërfillshme. Kjo do të thotë se rezultatet e subjekteve janë numëruar dhe paraqitur saktë”.”

Por për kandidatët, pasaktësitë janë të mëdha: 36,007 vota të zbritura dhe 20,978 të shtuara pas rinumërimit në QNR.

““Ndryshimi në numrin e votave të kandidatëve pas rinumërimit tregon se procesi i numërimit të votave të kandidatëve brenda subjekteve politike ka pasur pasaktësi”.”

Prizreni është rasti më ekstrem me 29,343 vota të zbritura dhe 16,366 të shtuara. KQZ do të bashkëpunojë me Prokurorinë për hetim.

Rezultatet e rinumërimit janë të transparenca në platformën e KQZ-së.