Edi Rama në Izrael: Zbulohet axhenda e plotë e vizitës dy-ditore

Kryeministri i Shqipërisë, Edi Rama, do të kryejë një vizitë pune dy-ditore në Jerusalem të Izraelit, më 25-27 janar. Kjo vizitë vjen me rastin e pjesëmarrjes së tij në Konferencën Ndërkombëtare për Luftën kundër Antisemitizmit.

26 janar: Takime të rëndësishme zyrtare

Ditën e hënë, në orën 11:00-12:30, Rama do të zhvillojë një takim kokë më kokë me Kryeministrin izraelit Benjamin Netanyahu, të ndjekur nga biseda mes delegacioneve dhe një deklaratë të përbashkët për shtyp.

Paralelisht, bashkëshortja e tij, Linda Rama, në shoqërimin e bashkëshortes së Presidentit izraelit Isaac Herzog, do të vizitojë Bibliotekën Kombëtare të Izraelit.

Në orën 14:00, Kryeministri Rama dhe znj. Rama do të mbërrijnë në Knesset Plaza, ku do të priten me ceremoni shtetërore nga Kryetari i Knessetit, duke përfshirë rojet e nderit, himnet kombëtare dhe vendosjen e kurorave në monumentet përkujtimore.

Më pas, në orën 14:30, do të zhvillohet takimi me Kryetarin e Knessetit, Amir Ohana. Në orën 16:15 fillon seanca plenare speciale, ku do të flasin Ohana, Netanyahu, lideri i opozitës Yair Lapid dhe Rama me një fjalim historik – i vetëm numër i kufizuar udhëheqësish të huaj kanë marrë një nderim të tillë, së fundmi Presidenti Trump.

Në orën 17:15 mbahet një pritje zyrtare në Jerusalem Hall. Ndërkohë, Linda Rama takohet me gratë parlamentare.

27 janar: Konferenca dhe vizita simbolike

Të martën, Rama merr pjesë në Konferencën Ndërkombëtare kundër Antisemitizmit, ku do të mbajë një fjalim në praninë e Presidentit Herzog.

Gjatë qëndrimit, kryeministri do të kryejë vizita në Muri Perëndimor (Western Wall) dhe Kishën e Varrit të Shenjtë.

“Axhenda e vizitës së kryeministrit Edi Rama në Israel”

Delegacioni shqiptar shoqërohet nga bashkëshortja e Ramës. Kjo vizitë thekson marrëdhëniet diplomatike mes Shqipërisë dhe Izraelit.