Shqipëria ftohet të udhëheqë paqen globale: Rama publikon letrën e plotë nga Trump për Bordi i Paqes
Kryeministri Edi Rama ka publikuar letrën e plotë nga Presidenti Trump, duke ftuar Shqipërinë si anëtar themelues i Bordit të Paqes për paqen në Lindjen e Mesme dhe zgjidhjen e konflikteve globale, përfshirë Gazën.
Shqipëria ftohet të udhëheqë paqen globale: Rama publikon letrën e plotë nga Trump
Kryeministri i Shqipërisë, Edi Rama, ka ndarë me publikun letrën zyrtare të marrë nga Presidenti i Shteteve të Bashkuara, Donald Trump, duke shprehur mirënjohje dhe angazhim për të lartësuar emrin e Shqipërisë.
Në postimin në rrjetet sociale, Rama shkruan:
“MIRËMËNGJES dhe me nderin e kënaqësinë e ndarjes me ju të letrës që mora dje nga Presidenti i Shteteve të Bashkuara, Donald J. Trump, duke ju falenderuar për privilegjin e besimit që më keni dhënë, si edhe duke ju siguruar se do të bëj deri në fund gjithçka duhet për ta lartësuar emrin e Shqipërisë e dinjitetin e shqiptarëve, ju uroj të diel të qetë”
Në letrën e tij, Trump fton Shqipërinë të bashkohet në një iniciativë historike për forcimin e paqes në Lindjen e Mesme dhe një qasje të re për zgjidhjen e konflikteve globale.
“Është një nder i madh për mua t’ju ftoj ju, si Kryeministër i Republikës së Shqipërisë, të më bashkoheni në një përpjekje Historike dhe Madhështore për forcimin e Paqes në Lindjen e Mesme dhe, njëkohësisht, të ndërmarrim një qasje të re plot guxim për zgjidhjen e Konfliktit Global!”
Trump thekson rëndësinë e Planit Gjithëpërfshirës për fundin e konfliktit në Gaza dhe themelimin e Bordit të Paqes, si një organizatë të re ndërkombëtare.
“Bordi i Paqes është në zemër të këtij Plani dhe ky është Bordi më mbresëlënës dhe më me ndikim i krijuar ndonjëherë, i cili do të themelohet si një Organizatë e Re Ndërkombëtare dhe Administratë Qeverisëse Tranzitore”
Shqipëria ftohet zyrtarisht si Shtet Anëtar Themelues, me Ramën si përfaqësues.
“Si Kryetar i Bordit, ftoj zyrtarisht Republikën e Shqipërisë të përfaqësuar prej jush, të na bashkohet si Shtet Anëtar Themelues, dhe të bëhet palë në Statutin e Bordit të Paqes. Ky bord do të jetë aq i veçantë sa kurrë më parë nuk ka ekzistuar diçka e ngjashme me të!”
Letra përfundon me një mesazh bashkëpunimi për paqen botërore.
“Me kënaqësi pres të punojmë së bashku, edhe për shumë gjatë në të ardhmen, drejt qëllimit të vendosjes së përhershme të paqes botërore, mirëqenies, dhe madhështisë për të gjithë!”
Kjo ftesë nxjerr në pah rolin në rritje të Shqipërisë në diplomacinë ndërkombëtare dhe forcimin e lidhjeve me SHBA-në.
